Home

Dëst Joer am November ginn et 20 Joer, datt de Patrick Colombo als Titular-Organist um Lampertsbierg ugestallt ass. Zu dësem Ulass gëtt hien en Uergelconcert ënnert dem Motto "Vun der Romantik eriwwer an de Kino" mat Wierker vu romantesche Komponisten an den Highlights aus dem Concert vum 18. Juni "L'Orgue fait son Cinéma" an der Kierch um Lampertsbierg. Den Entrée ass fräi, et gëtt eng Quête gemaach fir den Entretien vun der Uergel vum Lampertsbierg.